الكرز

من بعض ذكرياتي

::

ما حـِط أحد دونك ولا خـِذ بالأقوال ،.،.، غلاك جمر و قلب خلّك دلاله

قنادها حب ٍ تمكّن ولا زال ،.،.، فاحت دلاله لين ولّى بحاله

أشرب غلاك مع أشقر البن فنجال ،.،.، ياللي فناجيل الغلا في وصاله

يابو وصوف ٍ غير ما مثلك أمثال ،.،.، ياللي لخشف الريم فيك استماله

( ... ) اللي شفت من بد الأزوال ،.،.، ماشوف غير ولا أرتضي في بداله

( ... ) اللي شفت يوم الشفق مال ،.،.، أشوف ليله و القمر في ظلاله

وجه القمر من فوقه الليل شلال ،.،.، وبرق ٍ يلوح بمدلهم الخياله

وغصن ٍ من الريحان ناعم و ميال ،.،.، يلاعبه غربي النسيم و شماله

شفت الكرز و الخوخ و هلال و هلال ،.،.، و السيف أبو حد و مقام العداله

وقاضي و خمس شهود و الحسن يختال ،.،.، و المتهم على بلاط الجلاله

وغيبوبة العشاق و دموع الأبطال ،.،.، و تفريعة أشقر فارسي السلاله